Wednesday, July 18, 2012

फूड टेक्‍नॉलॉजीमधील पदवी अभ्यासक्रम

नॅशनल इन्स्टिट्यूट ऑफ फूड टेक्‍नॉलॉजी एंटरप्रेन्युअरशिप मॅनेजमेंट, सोनेपत (हरियाना) येथे उपलब्ध असणाऱ्या फूड टेक्‍नॉलॉजी विषयातील पदवी अभ्यासक्रमात प्रवेश देण्यासाठी खाली नमूद केल्याप्रमाणे पात्रताधारक उमेदवारांकडून अर्ज मागविण्यात येत आहेत. 

अभ्यासक्रमासाठी उपलब्ध जागा - या अभ्यासक्रमासाठी एकूण उपलब्ध जागांची संख्या 120 आहे.
 
आवश्‍यक शैक्षणिक पात्रता - अर्जदारांनी 10+2 शैक्षणिक अभ्यासक्रमांतर्गत 12 वीची परीक्षा भौतिकशास्त्र, रसायनशास्त्र व गणित या विषयांसह व कमीत कमी 60 टक्के गुणांसह उत्तीर्ण केलेली असायला हवी व त्यांचा शैक्षणिक आलेख चांगला असावा. 

विशेष सूचना - जे विद्यार्थी 2011-2012 या शैक्षणिक सत्रात वरील पात्रता परीक्षेला बसले असतील ते सुद्धा या अभ्यासक्रमासाठी अर्ज करण्यास पात्र आहेत. 

वयोमर्यादा - अर्जदारांचे वय कमीत कमी 17 वर्षे असायला हवे. 

निवड प्रक्रिया - अर्जदारांनी राष्ट्रीय स्तरावरील "एआयईईई' ही प्रवेश पात्रता परीक्षा दिलेली असावी. या पात्रता परीक्षेतील पात्रताधारक उमेदवारांचा गुणांक व त्यांच्या शैक्षणिक आलेखाच्या आधारे त्यांची या अभ्यासक्रमासाठी अंतिम निवड करण्यात येईल. 

अधिक माहिती व तपशील - अभ्यासक्रमाच्या संदर्भात अधिक माहिती व तपशिलासाठी नॅशनल इन्स्टिट्यूट ऑफ फूड टेक्‍नॉलॉजी एंटरप्रेन्युअरशिप अँड मॅनेजमेंटच्या दूरध्वनी क्र. 0130-2281042, 2281044 वर संपर्क साधावा अथवा संस्थेच्या www.niftem.ac.in या संकेतस्थळावर किंवा admission@nifteu.ac.in. या ई-मेलवर संपर्क साधावा. 

अर्ज व माहितीपत्रक - अर्ज व माहितीपत्रक घरपोच हवे असल्यास 350 रु.चा "एनआयएफटीईएम'च्या नावे असणारा व स्टेट बॅंक ऑफ इंडिया ब्रॅंच एनआयएफटीईएम कॅम्प्स कुंडली (ब्रॅंच कोड 15479) यांच्या नावे असणारा डिमांड ड्राफ्ट विनंती अर्जासह संस्थेच्या कार्यालयात पाठवावा. 

अर्ज पाठविण्याचा पत्ता व शेवटची तारीख - संपूर्णपणे भरलेले, आवश्‍यक तो तपशील आणि कागदपत्रांसह असणारे व 1000 रु.च्या वर नमूद केलेल्या ड्राफ्टसह असणारे अर्ज ऍडमिशन्स सेल, नॅशनल इन्स्टिट्यूट ऑफ फूड टेक्‍नॉलॉजी एंटरप्रेन्युअरशिप अँड मॅनेजमेंट, प्लॉट नं. 97, सेक्‍टर 56, एचएसआयआयडीसी इस्टेट, कुंडली, जि. सोनेपत, हरियाना 131028 या पत्त्यावर पाठविण्याची शेवटची तारीख 14 जुलै 2012. 

गणित व विज्ञान विषयांसह बारावी उत्तीर्ण झालेल्या अथवा उत्तीर्ण होणाऱ्या ज्या विद्यार्थ्यांना फूड टेक्‍नॉलॉजी क्षेत्रातील विशेष पदवी अभ्यासक्रमासह आपले करिअर करायचे असेल अशांनी या अभ्यासक्रमाचा अवश्‍य विचार करावा.